點揀老師
點樣搵到啱嘅老師？
兩個方法。一：去「搵老師」揀樂器，再按授課地點（老師琴室／上門）、地區、學費篩選，逐個睇資料。二：直接 WhatsApp 我哋，講低樂器、年齡、地區、目標同預算，課程主任會推薦 2–3 位最啱嘅老師連履歷俾你揀。
點知老師啱唔啱我？
每位老師頁面都有：學歷及考級證書（全部經本公司審核先出街）、教學年資（最少 3 年）、音樂背景及獎項、教學經驗（大學／中小學／琴行／私人）、教學特色，部分老師有自我介紹片同演奏片。仲可以先上一堂試堂再決定。
老師喺邊度教？
三種：老師家中、老師琴室、上門授課。琴室場租同上門附加費由老師自定，視乎地區同時段，每位老師頁面會列明；報名前課程主任會講清楚總數。
老師講咩語言？
老師頁面列明授課語言（廣東話／英語／普通話），篩選時可以揀。
報名及付款
報名流程係點？
揀好老師後 WhatsApp 我哋（或喺老師頁面撳「預約」）。課程主任確認老師時間後，先收一堂試堂費；試堂後決定繼續，就繳交一期共 4 堂嘅學費，之後每期喺上堂前 7 日內繳交。
點付款？
銀行轉帳或信用卡（課程主任會 WhatsApp／電郵付款連結）。轉帳資料由課程主任提供，唔會喺網上公開。
一期 4 堂要幾耐上完？
為保持學習效益，每期 4 堂須於 2 個月內完成。
每堂幾耐？
初級 45 分鐘，中級及高級 60 分鐘；按程度同需要同老師商量。
上堂
上堂前會有提醒嗎？
會。確認報名後我哋會開一個 WhatsApp 群組，入面有學生、老師同 TUT 課程主任；上堂前 24 小時會提醒雙方。
要幾早到？
請提早 5 分鐘到達上課地點，準時上堂。
點請假？
請最少喺上堂 24 小時前喺課堂 WhatsApp 群組內以文字提出，以本公司收到嘅時間為準。24 小時內取消，該堂學費不獲退回——因為老師已為你預留時間同備課。
老師缺席、遲到點算？
老師缺席：喺群組講明，老師必須退回該堂費用。老師遲到或早退：下堂補回餘下時間。學生缺席或遲到：唔設補堂或延長。惡劣天氣或突發事件導致唔能上堂，我哋會安排補堂。
退款及換老師
可唔可以退款？
一般情況下不設退款。如因不可抗力（生病、突發事件）令學生或老師不能繼續，我哋會因應情況處理。
可唔可以換老師？
可以，WhatsApp 我哋就得。剩餘堂數會轉去新老師繼續；因為每位老師學費不同，有機會需要補回差價。
同老師有問題點投訴？
直接喺課堂 WhatsApp 群組講，或私訊課程主任。我哋會跟進，必要時安排換老師。
搵唔到答案？
WhatsApp 課程主任，講低樂器、年齡、地區，即日推薦老師。